شنو غادين انطايبو اليوم؟؟

[postbg=https://i.imgur.com/DcTM2Ng.jpg]

السلام عليكم

هذه الصفحة هي خاصة بالطبخ وستكون موضوع متجدد ومثيت

سأحاول أن أعطي وصفة كل يوم ومن أراد منكم المشاركة بوصفات تعجبه وسهلة التحضير فلا يبخل علينا بها

هي صفحة للجميع والكل يجب أن يشارك فيها على قدر المستطاع

آش غادين انطايبو اليوم؟؟

بمعنى آش غادين اناكلو اليوم؟؟

أراولنا ما عاندكون راه فيا الجوع خصوصا دابة ههههههه

في انتظار أطباقكم الشهية وحبذا لو تكون مجربة

مع احترامي للجميع

هههههههههه موضوع زوين بزاف أنا اليوم درت واحد لا لاَ مولاتى القصرية
دالطعام فورتها ودرت فيها سبع خضارى بلحم المعزى ههههههه وعندكوم تسحابونى كليتها
غى بوحدى رانى كليت منها اليوم وتركت البقية فى الثلاجة هههه ... تمنيتكوم تشركوها
معايا وتتم الفرحة والمجمع ... لابد من ذلك اليوم الذى أتمناه ... وللإشارة أنا ماعنديش
مع طبخ المأكولات العصرية زعما (شهيوات ) أنا شعبى وأحب طبخ وأكل الماكولات الشعبية
المعروفة ...

موضوع شيق
لم أكن أهتم سابقا بالطبخ
لكن حاليا بحكم حياة العزوبية
أصبحت جد مهتم
اليوم ما طيبت والو كليت في الزنقة
كليت الحوت

شهية طيبة للجميع

للعشاء غادي نطيب الحريرة الحامضة
- 2 حبات مطيشة محكوكة
-ربع بصلة محكوكة
- شوية قزبور + معدنوس+ كرافص
- فلفلة حلوة( تحميرة) + إبزار ( قليل) + الزنجبيل( السكينجبير) + الزعفران + ملح
- ضامة البنة
-لحم مفروم( شوية )
- دقيق الفورس ( حسب الكمية ديال الحريرة)
- الشعرية متوسطة
- الحمص + القليل من العدس+ القليل من الفول ( إلى كان كايعجبك)
- السمن حسب الذوق
- مطيشة الحك
- الزيت ( القليل)
ملاحظة : يمكن تعوياض الشعرية بالروز )
نتمنى تصدق ليكوم ( أنا لي كيذوق حريرتي كاتعاجبو و كايتسنى إمتى نعاودها

amin88 كتب:: موضوع شيق
لم أكن أهتم سابقا بالطبخ
لكن حاليا بحكم حياة العزوبية
أصبحت جد مهتم
اليوم ما طيبت والو كليت في الزنقة
كليت الحوت

شهية طيبة للجميع

أمين تازوفريت أول حاجة كتعلمها هي الدخول إلى المطبخ و تغسل الماعن
تازوفريت مباركة

معجنات في الفرن
المكونات
معجنات من اختياركم مصلوقه مع دامة البنه بقري ملعقه صغيره زبدة
لحم مفروم متبل و مطهي بقليل من زيت الزيتون
و جبن مبشور مودزاريلا أو جبن أحمر
4 جبن متلث
طرقة التحضير
عند صلق المعجنات و هي ساخنة نضيف 4 جبن مثلت و نحرك حتى يذوب الجبن
في اناء نضع نصف المعجنات في القاع و فوقها اللحم المفروم المتبل ( لاداعي لذكر التوابل المستعمله في اللحم المفروم فهي معروفه ) تم نضع ما تبقى من المعجنات فوق اللحم المفروم نرش الجبن المحكوك ندخل الاناء الى الفرن حتي يذوب الجبن و يحمر لونه
نخرج الاناء من الفرن و نسكبه في طبق التقديم
شهيه طيبه

meamed كتب:: للعشاء غادي نطيب الحريرة الحامضة
- 2 حبات مطيشة محكوكة
-ربع بصلة محكوكة
- شوية قزبور + معدنوس+ كرافص
- فلفلة حلوة( تحميرة) + إبزار ( قليل) + الزنجبيل( السكينجبير) + الزعفران + ملح
- ضامة البنة
-لحم مفروم( شوية )
- دقيق الفورس ( حسب الكمية ديال الحريرة)
- الشعرية متوسطة
- الحمص + القليل من العدس+ القليل من الفول ( إلى كان كايعجبك)
- السمن حسب الذوق
- مطيشة الحك
- الزيت ( القليل)
ملاحظة : يمكن تعوياض الشعرية بالروز )
نتمنى تصدق ليكوم ( أنا لي كيذوق حريرتي كاتعاجبو و كايتسنى إمتى نعاودها

محمد
كيف كاتجي هاذ الحريرة
أول مرة كانسماع الحريرة فيها التحميرة وعاذ الزعفران وقتلتيني هي مين قلتي الزيت
الحريرة ماكايكون فيها ولوا من هاذ السي اللي كاتقول أو يمكن بالطريقة ديالنا مختلفة

سأعطيكم طريقة الحريرة بطريقتنا نحن

من عادتي أن أطهو طنجرة كبيرة ولا أحب أن اطهو كمية قليلة من الحريرة

المقادير

من 8 حتى 10 حبات طماطم

من 5 إلى 7 حبات بصلة

القصبورّ+ معدنوس+ الكرافص وماشي غير شوية من الحاجة وإنما كمية لا بأس بها

سكينجبير+ملح+إبزار+ قليل من القرفة

وماطيشة ديال الحك ولكن ماشي بززاف كانفضل إذا كانت الطماطم طبيعية بززاف مانديرش ديال الحك

وباش ما بغيتي تديرها باللحم أو الدجاج أو الكبادي ديال الدجاج أنا كانفضلها إما بالكبادي أو باللحم

إذا كانت بالكبادي أتركهم على جنب أما إذا كانت باللحم فالطريقة كما يلي

كانديرو كلوشي هادشي اللي قلناه في طنجرة الضغط

طماطم بقشورها + بصلة مقشرة ومقطعة+ القصبور والمعدنوس والكرافص والعطرية والماء

وفي كسكاس ديال طنجرة الضغط كانديرو اللحم والحمص ونقفل عليه حتى يطهى طبعا

بعدها يطحن بالآلة اليدوية المعروفة ديال الحريرة في طنجرة كبيرة ويضاف لها اللحم والحمص والماء حسب المقدار الذي تريد ساعتها من يريد الطماطم المصبرة يضيفها وإذا كانت الحريرة بالكبادي تضاف الكبادي في هذه المرحلة وتبقى فوق النار حتى تغلى مزيان

في إناء تحضر التدويرة وهي عبارة عن الماء والدقيق على حسب الكمية التي لديك من الحريرة مخلوط جييدا تضيفه للحريرة شيئا فشيئا مع التحريك الجييد كي لا يتعجن الدقيق

وبعد ان يغلى تضيف له قليل من الشعرية رقيقة وبعدها البيض وتحركها جيدا وتقفل عليها النار وتغرف فالزلايف وتعرض على الحباب وبالصاحة والراحة

هي الحريرة كاتبغي الجماعة

وحرييييييرا واش من حريرا هادى معاكوم ههههههههه
أنا تانصيب لحريرا مزيان تاكل وللا تشرب عليها يديك هههههه
إلى بغيتى تقول ... تاندير فيها كل المقادير التى ذكرها زميلنا محمد
إلا ( التحميرة ) ماتانديرهاش حيت تاتفسد المذاق ... أما الزيت تاندير البلدى
والرومى مقادير متساوية وإلى توفر اللحم تانديرو على شكل طريفات صغار سواء
لحم أحمر أو أبيض وللا البيض .... شهية طيبة بالصحة والراحة للجميع ... تحياتى Smile

هههههههههههه فاتن هاديك حريرتي أنا
بالنسبة للزيت غي شوية كاندير ماشي بزاف
بالنسبة للحريرة فكاين لي كايدير فها اللفت
و كدار تا بالكليلة (أيام البرد)
بالبيض ( مكانديرهاش بالبيض)
و كاين لكايزيد حايج خرين

ايوة كولها وحريرتو

الله يخرج حريرتنا على خيرررر

۩~¦۩ فاتن ۩¦~۩ كتب:: ايوة كولها وحريرتو
الله يخرج حريرتنا على خيرررر

هههههههههههههههههههههههههههههههههههههههههههههههههههههههههههههههههههه

هههههه المطبخ بيني وبينو مابين السما والارض هههه
تنوصل لتازوفريت عاد نفكر نطيب...
وكلعتها من فمي اخويا فاتن ههههه

الحريرة كولا أو كيفاش كيصاوبها

في الجنوب كيديرو فيها حتى لوبيا

أنا كنصوبها بالطريقة لقال عليها محمد

لكن بلا طحميرة بلا زيت بلا لحم

الصراحة مكتجينيش زوينة كيف تاع الوليدة

لكني كنشربها أو كتجيني لذيذة

مازال ما ذاقها حتى حد من يدي

باش إقول ليا كيف جاتو

[postbg=https://i.imgur.com/DcTM2Ng.jpg]

amin88 كتب:: الحريرة كولا أو كيفاش كيصاوبها
في الجنوب كيديرو فيها حتى لوبيا
أنا كنصوبها بالطريقة لقال عليها محمد
لكن بلا طحميرة بلا زيت بلا لحم
الصراحة مكتجينيش زوينة كيف تاع الوليدة
لكني كنشربها أو كتجيني لذيذة
مازال ما ذاقها حتى حد من يدي
باش إقول ليا كيف جاتو

عزيزي أمين نتمنى يجي شي نهار ونقييس من مكلتك
جاتك حريرتك لذيذة طبعا لأنها من صنع إديك (صنع إديا واحيات عنية)
سعيد بتواجدك معنا في كل الأقسام كعادتك السابقة
هذا هو أمين الله يدووم عليك عزيزي ويرزقك السعادة والصحة والحظ الوفير والأهم تحقيق كل أمانيك
مع احترامي للجميع

أنا اليوم غادى ندير الشوايا بلحم الدجاج سااااهلة
غادى تشد لحم الدجاج وغادى ترجعو شرائح رقيقة
على حسب الشواء ومن بعد ترقدو فى القزبر والمعدنوس
وشويا دالملح وشويا دالبصلة مشلضا وشويا دزيت العود
وشويا دالكامون كل المقادير على حسب كمية اللحم وعلى
حسب الذوق من بعد ترقدهوم مدة نصف ساعة إلى ساعة
من بعد ديرهوم فشى شوايا وشويهوم على الفاخر ... ويلا
بغيتى تضيف شى حاجة دالبصلة وماطيشا حتى هوما شرحهوم
شرائح ديرهوم حتى هوما إتشواو بوحدهوم .. نسيت ماقلت ليكوم إلى
بغيتى تكتافى غى باللحم وحده بلا قوام راه يكفى ويجى بنين لكن بشرك
إكون ناشف من الماء ... مع شى براد داتاى وللا عصير وللا موناضا ههههه شهية طيبة ...

gay552 كتب:: أنا اليوم غادى ندير الشوايا بلحم الدجاج سااااهلة
غادى تشد لحم الدجاج وغادى ترجعو شرائح رقيقة
على حسب الشواء ومن بعد ترقدو فى القزبر والمعدنوس
وشويا دالملح وشويا دالبصلة مشلضا وشويا دزيت العود
وشويا دالكامون كل المقادير على حسب كمية اللحم وعلى
حسب الذوق من بعد ترقدهوم مدة نصف ساعة إلى ساعة
من بعد ديرهوم فشى شوايا وشويهوم على الفاخر ... ويلا
بغيتى تضيف شى حاجة دالبصلة وماطيشا حتى هوما شرحهوم
شرائح ديرهوم حتى هوما إتشواو بوحدهوم .. نسيت ماقلت ليكوم إلى
بغيتى تكتافى غى باللحم وحده بلا قوام راه يكفى ويجى بنين لكن بشرك
إكون ناشف من الماء ... مع شى براد داتاى وللا عصير وللا موناضا ههههه شهية طيبة ...

السلام عليكم
شكرا لك عزيزي على هذه الأكلة السريعة والسهلة
وإنما بالنسبة للدجاج او اللحم مشوي كايتقنو غير براد ديال أتاي يكون مشحر ومنعنع مزيان
مع احترامي

Alejandro كتب:: عاد دابا صوبت الآيس كوفي طريقة ديالو سآآآاهلة كناخدو لما مغلي كنديرو فيه نيسكافي بكمية مركزة و سكر حسب الذوق و سكر ڤاني حسب الرغبة كنديروه في مكعبات الثلج نخليوه حتى يجمد و نعملوه فالحليب.
دوزت الآيس كوفي بالكوكيز للمقادير ديالو هما هادو :
2 بيضات يكون شوية كبار
بص خنيشة ديال ڤاني
شوية ديال الملح ( نصف الكمية ديال الڤاني ليدرتو )
معلقة كبيرة ديال خميرة ديال الحلوة
كنخلطو هادشي مزيآآآآان
نزيدو عليه كاس ديال زبدة دايبة و كملو فتخلاط
من بعد كنديرو كاس و نص ديال سنيدة و حنا كنخلطو
كنجمعو هادشي ب2 كيسان ديال الفورص
من بعد ماكيتجمع داكشي كانزيدو عليه شكلاط كحل يكون مقطع طراف صغار ولا تاخدو شكلاط ديال كوكيز راه كيتباع عند مالين الحلوة
كانديرو ورق حلواني فوق اللاطة ـــ ماديروش فحالي نهار لول حطيتهوم نيشن و لصقو ليا ـــ كاندهنو لورق بزيت كانحطو الكوكيز مكور حينت منين كيطيب كيترخا و كيولي داير بالصحة و الراحة ( حاولو تبعدوهوم لايصدقو ملاصقين )

السلام عليكم
شكرا لك عزيزي على الوصفة والمقادير
أيسكوفي لا أحبه بينما الكوكيز أعشقه شكرا لك عزيزي
مع احترامي

اليوم بحول الله غادى أنطيب فى الغذاء طاجين بالحوت
بلا مانقول ليكوم الكيفية والمقادير راكوم عارفين
شهية طيبة ... Smile

السلام عليكم
اليوم ما ديرت والو شريت كولشي من بارة ولكن ما عجبنيش ماشي تالهيه
شكون بقالو شوية ديال الماكلة من الغدا يروف على خوه راه مدكدك وماقادر يدير والوووووووو Embarassed

هاد الليلة نقاد شي عصير ديال الحامض و نرتاح و نهدئ اعصابي .. فيوم غذ هويوم النتائج الدراسية على الساعة 10.00 صباحا Smile

الله يسمعنا خبار الخير

آمين الله يسمعنا خبار الخير

وإن شاء الله النجاح بامتياز وبتفوق

الآن عندك الدقيقة تمر كالساعة

[postbg=https://i.imgur.com/20aRJFn.png]

مامطييب حد سكسو اليوم يعرض عليا؟

» مزاجك اليوم
» إنسان بلا حقوق فى اليوم العالمى لحقوق الإنسان
» بمناسبة عيد الحب اهديكم احسن أغنية لهذا اليوم
» اليوم سأفوز بك/Alejandro Fernández/Christina Aguilera/Hoy tengo ganas de ti
» اليوم جلبت لكم اروع فيلم للمثليين عبر التاريخ ( مضحك لدرجة البكاء )